Monday, April 07, 2008

السادس من أبريل

السادس من أبريل يوم من الأيام التاريخية فى تاريخ مصر بصراحة الواحد متخيلش التفاعل الشعبى الكبير ده مع الحدث لقينا ناس كتير اتشجعت وعملت حاجه فيه ناس كتير مرحوش الشغل لدرجة ان الشوارع فاضية ومفيش زحمة كعادة كل يوم حد يمكن المرادى مكنش فيه ترتيب كويس من حيث الأهداف يعنى مثلا هل الهدف هو إقالة الحكومة برئاسة نظيف ولا الهدف محاولة الضغط على الحكومة لضبط الأسعار أم لإعلام الحكومة أن فيه ناس ممكن تعمل حاجه وان فيه حاجه إسمها شعب كذلك لم يكن هناك تحديد للحدث هل هو مظاهرة أم إضراب عام أم ماذا ولكن أياً ما كان فقد شهدت مصر حدثاً تاريخياً أعتقد أنه هيغير كتير قوى

9 comments:

Ahmed Al-Sabbagh said...


الحمد لله
ودى خطوة على طريق التغيير
بس خطوة جامدة جدا
وان شاء الله لمزيد من النجاح

تحياتى لك
احمد الصباغ

مواطن مصرى نايم said...

لا لعلمك يا محمد
الاهداف كانت محدده
البوست اللى تحت البوست اللى انت علقت عليه عندى
كان فية صورة ( منشور) و كان مكتوب فية الاهداف
و شكرا على الزيارة يا جميل

المستنصر بالله said...

اول الغيث قطره
نتمنى ان تكتب اكتر واضح ان حضرتك مش بتكتب كتير

mohamed said...

احمد الصباغ
نورت المدونة وان شاء الله يوم عيد ميلاد المعلم يبقى اجمد

مواطن مصرى نايم
ايه يا مان هو انت اللى منظمها وسايب جورج اسحاق يتحبس ومش راضى تعترف
ع العموم ده رأيى وان شاء الله تبقى متنظمة احسن المرة الجاية

المستنصر بالله
نورت المدونة وان شاء الله هكتب باستمرار الفترة الجاية بس انت نورنى بس علطول

فرنسا هانم said...

هى فعلا خطوه للامام
وفعلا حسينا ان مصر فيها شعب
مش بلد بحكومه بس

رفقة عمر said...

على الاقل انه حرك المياه الراكدة
ربنا يسهل ويتم التغير قريبا

محمود الدوح said...

عيد ميلاد الريس هيبقى اغقوى يا محمد

إنسان || Human said...

وهي دي بداية مصر الوليده

mohamed said...

فرنسا هانم
نورتى يا خالتى المدونة بتاعتى وان شاء الله تبقى خطوة كبيرة على طريق التغيير

رفقة عمر
نورتى مدونتى يا رفقة وان شاء الله الميه الراكدة هيبقى موج يغرقهم كلهم

محمود الدوح
ياه يابنى هو انا اسيبك فى البيت الاقيك ع النت يلا مش مهم ع العموم نورت المدونة يا حوده

human
نورت يا محمد وان شاء الله مصر هتتولد من جديد بينا