Friday, November 27, 2009

هـــــــــــــــو فيـــــــــــــــــــــــــــــــــــــه ايــــــــــــــــــــــه

انا مصرى وشربت من نيلها بس عايز اقول ان الحرب الاعلاميه بين البلدين الشقيقين مصر والجزائر بسبب ماتش كورة اكبر غلط لانى احنا فى الاخر اشقاء وكل اللى بيحصل ده بيصب فى مصلحة اعدائنا واللى يقول غير كده يبقى مش مصرى بجد , وقارنوا ما بينا وبين دوله زى تركيا اللى رجعت علاقاتها مع ارمينيا بعد سنوات كبيرة من القطيعة فى ماتش كورة كان كل فرقه برده نفسها انها تكسب , وانا شايف اننا لازم نلوم نفسنا بدل ما تلهينا الحكومة بإعلامها عن اللى حاصل فى البلد من فقر وفساد واستبداد وذل للمصريين سواء اللى عايشين فى مصر او فى كل دول العالم اللى بيشوفوا الذل والسفارات المصرية بتقفل فى وشهم الباب والمصريين اللى بيموتوا فى عبارات وقطارات وفشل كلوى وكبد وبلاوى سودا ولا الكورة عشان فيها شو وإعلام وتلميع يبقى لازم نعيش فى الدور وليه مشفناش الحلوين دول سواء الفنانين ولا بتوع الحزب فى الكوارث وسط الناس وبعدين كمان اختيار السودان م الاول كان اختيار غلط مش عشان السودان مبتحبناش واننا انخدعنا فيهم لأ طبعاً دا لان اهم اختيار هو الامن وبعدين مين المشجعين دول اللى راحوا اللى كانوا عايزين يعملوا شو وهيصة وصور وإعلام ويقفزوا على انجاز مش بتاعهم وجايين يتكلموا عن الاهوال اللى شافوها فى السودان من الجزائريين الوحشين خالص طب ما احنا حدفنا الاتوبيس بتاع لاعيبتهم فى القاهرة واسئل الناس اللى راحوا يوم 14الاستاد هيقولك شتمناهم فى الملعب وحرقنا علمهم واتبسطنا واخر تمام ومكانش ناقص غير اننا نجرى وراهم ونضربهم لولاش الأمن المصرى اللى منعنا اننا نعمل كده لان الأمن المصرى هو أقوى حاجه فى البلد دى ودى شهادة للحكومة بقوة الأمن وده مش مدح بقدر ما هو طبيعة أى بلد حكومتها الأمن هو اللى حاميها مش حب الناس وعلى فكرة سلوك الجماهير ده طبيعى بالنسبة لمشجع الدرجة التالته فى معظم دول العالم مش بس فى مصر ولا الجزاير وبعدين ايه الإسفاف اللى احنا عايشين فيه ده المذيع اللى يقولك شوف بناتهم فى الشانزليزيه والحلوين التانيين اللى بيتباروا فى قلة الأدب والسفالة مع شعب الجزائر الشقيق عشان المكاسب والاعلانات لان الاعلاميين دول عرفوا ازاى يكسبوا فى الخسارة وبعدين مش لازم ننسى وقوف الجزاير معانا فى حرب 73 ووقوفنا معاهم قبلها فى استقلالهم وفى الاخر نسحب سفيرنا طب مسحبناش سفيرنا ليه من اسرائيل فى احداث غزة ليه ولا هو فيه ايه

No comments: